-->
U3F1ZWV6ZTIzOTE5MDM4NzczX0FjdGl2YXRpb24yNzA5Njk3MDk1NTg=
recent
أخبار ساخنة

التغذية في رمضان في زمن الكورونا

التغذية الصحيحه في رمضان

نظام غذائى للصائم, الصحه فى رمضان, التغذيه فى رمضان, الغذاء الصحى فى رمضان,نصائح صحيه فى رمضان,نصائح لصحه افضل فى رمضان,جدول الاكل الصحى فى رمضان



اعزائي المتابعين...
كل عام وحضراتكم جميعا بخير بمناسبة دخول شهر رمضان المبارك..
اعاننا الله فيه على الصيام والقيام وصالح الاعمال.

النهارده هتكلم معاكم عن التغذية في شهر رمضان...

وطبعا دي اول مرة ينورنا هلال شهر رمضان المبارك واحنا في ازمة وباء الكورونا ..الوباء اللي بات منتشر في جميع دول العالم  وبسبب سرعة انتشاره وعدم التوصل ل اللقاح الخاص بكوڤيد 19 حتى اليوم  تحتم على كل شعوب الارض اجراءات وقوانين جديدة لم نعهدها من قبل...

وكلنا سمعنا مؤخرا عن الجدل بخصوص تأثير الصيام  على جهاز المناعة ومقاومة الجسم لفيروس كوڤيد 19... وانتهى هذا الجدل تماما منذ ايام بان الصيام لا يؤثر اطلاقا على المناعه ..

ومن هنا وجب عليا اعرف حضراتكم هنتعامل ازاي مع التغذية والمناعة خلال هذا الشهر الكريم و سوف نقدم نظام عذائى للصائم لصحه افضل فى رمضان و بدون حدوث زيادة في وزن اجسامنا.

اول واهم نقطة لازم نركز عليها كويس جدا...

شرب المياه بكثرة خلال فترة المساء من بعد الافطار حتى قبل اذان الفجر.

كلنا ملاحظين ان درجة الحرارة بدات ترتفع والصيف بدا يدخل علينا..وعشان كده لازم نحافظ على معدلات ارتواء اجسامنا بالسوائل..لان ده هيفرق جدا معانا في تقوية المناعة وايضا في عدم شعورنا بالجوع والعطش خلال فترة الصيام...كمان تناول الكمية اللازمة من المياه هتخلينا نتجنب الشعور بالضعف والكسل في اليوم التالي اثناء الصيام... اقل كمية من المياه لازم نتناولها هي 2 لتر مياه كل ليله...ممكن تزيد طبعا لكن ما تقلش عن 2 لتر.

وجبة الافطار:

عشان نتجنب الشعور بالتخمة بعد الافطار..يجب التدرج في تناول الافطار..بحيث نكسر الصيام بتناول القليل من التمرات والماء ثم الانتظار لمدة 20دقيقة بعد ذلك قبل تناول وجبة الافطار الرئيسية.
وجبة الافطار لازم تكون متوازنة وتحتوي على جميع المجموعات الغذائية ( نشويات-دهون-بروتين) + طبق السلطة الخضراء بالليمون.
وفيه نقطة في غاية الاهمية لازم نخلي بالنا منها وهي عدم كسر الصيام بالعصائر المحلاة والحلويات لان ده بيضعف المناعة جدا جدا وايضا تتسبب هذه العادة الخاطئة في زيادة الوزن بطريقة شديدة.
ايضا هنمضغ الاكل ببطء و يجب علينا التوقف عن الاكل عند الشعور باول بوادر الشبع.
ومفيش طبعا نوم بعد وجبة الافطار..لان ده هيتسبب في عسر الهضم وارتجاع المريء وظهور دهون منطقة البطن في الرجال والسيدات.

وقت المناسب لتناول الحلويات او الفاكهة: 

هو بعد مرور ساعتين على الاقل من انتهاء وجبة الافطار.
ويجب علينا مراعاة الكمية المتناولة منها حتى نتجنب زيادة الوزن.

وجبة السحور: 

لازم تكون قبل موعد النوم بساعتين على الاقل ..ويفضل ان تكون وجبة خفيفة وان تحتوي على الزبادي او الحليب.

ممارسه الرياضه:

في ظل ظروف الحجر المنزلي كلنا هنكون مش قادرين على الخروج من المنزل فترة المساء...عشان كده لازم نخصص فترة 20دقيقة يوميا لممارسة اي انشطة بدنية خفيفة داخل المنزل..لان الرياضة الخفيفة هتعزز وظيفة جهاز المناعة جدا وهتحافظ على عدم زيادة الوزن خلال الشهر الكريم.وافضل وقت لممارسة الانشطة البدنيه هو بعد انتهاء وجبة الافطار ب4ساعات.







الاسمبريد إلكترونيرسالة